'A GUERRA SANTA

'' A GUERRA SANTA ''.
Nuje simme tutte figlie'e chillu ''Pate''
nuje simmo tutte frate,è ciò scurdammo
nuje simmo'a stessa carne è ce accerimmo
è nel nome del ''Padre, nuje 'o facimmo.
Eppure nun so' sulo gli ignoranti
ca fanno chesti ccose ,senza senzo
sò' ggente culli laure e cu''e licenze
ca fanno'e guerre, sulo p''a putenza.
E' quanti viecchie ,giuvene è criature
ca morene,senza sapè''a ragione
sulo pe'chillu sfizio'e chella ggente
ca leva'a vita ,a chi nun tene niente.
Pò''e vide tutte nderra ngiunucchiate
tutte a pregà', a chillu unicu ''Pate''
chiedendo di ammazzare quel nemico
senza se arricurdà',ca songhe e frate.
Mà che vvuò' fà','o ''Pate'' è sempe'o ''Pate''
guarda 'sti figlie, e buone e' e malamente
nun si intromette,'a decisione e 'a lloro
ma a braccia aperte,aspetta sulo e buone.
.di (argoenzo = Vincenzo Messina.)